XX. mendeko Euskararen Corpus estatistikoa

Testuingurua

Aiete, Galarreta, Musikaste 73, Santa Maria... aktuazio asko oso denbora guttian.

Uztailaren 17an, Zubiaurre jatetxean, Abesbatzako zuzendariari, Iñaki Goñiri omenaldi bat eskaintzen zaio.

Duela hamahiru urtez geroztik erakundearen alde hainbeste egin zuenari bere zorra kitatzen zaio.

Lehenengo kantari eta gero koralaren zuzendari bezala, kategoria artistiko enbidiagarria eskuratu dio Iñakik Abesbatzari.

Gogora ditzagun zein momentu zailetan aurkitzen zen korala, postuaren kargu egin zenean.

D. Jose Lopetegi lehendakariak Abesbatzako Urrezko Lehen Medaila entregatzen dio.

Dirua da eragozpenik nagusiena Llangollen-en (Galesen) International Musical Eisteddfod lehiaketan parte hartzeko, 1973ko uztailean.

Baina koralisten baitan ez dago profesionalitaterik, hitzaren zentzu materialistan.

Abesbatzaren amateurismoa garbi geratzen da bidaia egin nahi bada bakoitzak bere poltsikotik dirua jarri beharrean.

Ba omen dira erakunde ofizialak kultura promozionatzeko... baina omen bakarrik.

Hala ere, zenbait subentzio lortzen da Maritxu Mayor Lizarberi esker, hau xoko guziak miatzen ibili ondoren.

Beharrezko guztia eskuratzen da, baita zenbait obra interpretatzeak autoreen aldetik sortzen dituzten arazoak superatzea ere.